攰

今日明明冇唔知醒又冇遲出門，點知落到樓下個pk司機明明見到我都照開車，正一死八公

點知未上到公路仲係屯門已經塞車，頂!唔係咁黑仔丫，仲要去到南昌又塞，落車又冇的士搭行返黎都要十分鐘，返到公司都成廿幾分，緊係第一時間自首先啦

不過都幾無耐明明係冇遲出門就話自己遲出門，唔通仲係到搵藉口仲唔比人少多兩句咩

放左兩日假都唔係咁想返工，死啦而家放假就係咁食，點算呢??

而家收工去搵rick攞嘢同食飯，一個都幾耐冇見既舊情人唔知變左咩樣呢?

曾經我將所以希望都放係佢身上，最痛最傷都係因為e個男人，但係而家諗返起其實佢只係做左d個個男人都會做錯既事，只係自己以前太過睇唔開，人大左時間耐左自然覺得唔係咁重要

離開佢之後遇上既男人都係奇奇怪怪，幾時先可以比我遇上個正常d而我又鍾意既人呢?

唔洗話好愛，但至少唔好討厭丫。

人都係犯賤，人地對你好你又偏唔鍾意人，到人地唔鍾意你囉你又掛住人。

係老套，但係都要講〝珍惜眼前人〞今日你放走佢可能以後都冇機會再愛佢

兄弟姊姊們放膽去愛你愛既人啦