2013年12月25日 星期三

婚宴

近排勁忙,多咗好多以前唔係我跟既嘢要跟,仲要係冇頭冇尾,冇從入手咁跟仲要樣樣都話急既...... 做得邊樣丫大佬
今日趕住走,未做晒都要走啦...
六點幾就拿拿聲去換衫同執番好d眼耳口鼻先,等左勁耐先有車
先去美麗華拎下個星期朋友仔 TonY既喜帖,再去北京道一號飲
以為個場都幾ok,不過d Service就一d都唔得囉,應該話係冇service可言
女主角係我媽媽好朋友既女,亦都係我朋友仔
次次去我朋友仔飲宴既時候見到人地咁幸福都會好感動,我肯定到我結婚時未行到上台都已經到不可收拾,仲要我講嘢真係有難度
下個星期又去飲,又會見返好多好耐冇見既朋友仔,真熱鬧,今次男女主角都係我朋友仔,到時又會感動到

結婚一刻係感動、幸福、溫馨,但一晚過去後有幾多人真係可以永遠都咁幸福快樂呢?一紙既婚書,又可以代表永遠既愛?? 
世事邊有咁完美,所以我地更加應該及時行樂,盡情去愛你而家身邊既人
因為你唔知幾時會失去......

當然仍然希望我所有將會結婚既朋友仔,白頭到老

今日去飲、下星期又去飲、下個月做姊妹、12月又去飲
今年真係好年喎

沒有留言:

張貼留言