Family Day

自從20yr 考左領隊牌之後都冇係香港過年囉
每年新年都忙住出團
大年初一３、４點已經悽住出門口　飛奔出機場
對住一班（都數量唔少）既客
印象深ｄ　就有一年係　馬來西亞雲頂到過年
華人地方　都叫好熱鬧
去到新加坡　ｄ人比利是都好豪添
１０、２０蚊咁比　（當時坡紙對港紙　係　１：５喎）
有一年係　浮羅交怡到過
陽光海灘　又係後生仔女　冇咩所謂　都好開心
又有一年係泰國到過
個年　真係　不生難忘．．．．．．
初一流流　冇啦啦比個客問候全家　ｚｘｙ＠＃＊．．．
冇野丫．．．有病丫．．．
因為佢．．．返到黎　我決定放棄領隊　ｅ份工．．．
因為實在太多無理取鬧既香港人．．．
何況　鬧埋我屋企人　做咩丫．．．痴線嫁
上年做ｐａｒｔｉｍｅ　去左台南
自己未去過當旅行玩下囉

今年邊到都唔去．．．
係香港　FamILy Day
年廿八係肥豚屋企食團年飯
好飽飽丫　原隻鮑魚、花膠、蠔、阿拉斯加長腳蟹、原隻日本蟹、大大大帶子、　雞煲翅、仲有　”容”記燒鵝．．．．．太飽了
年廿九返工勁受氣囉．．．我阿姐　人地有病都唔比人睇醫生　又係痴痴地既
放工去左　肥豚屋企拎佢媽媽整比我既　羅白糕　再加送鮑魚　THANK YOU !
之後返屯門同屋企人食團年飯
個魚翅　都ｏｋ好味
個龍蝦都好多伊面丫　　好飽
條龍ｘ　都好大條　啖啖肉
都食唔落個糯米飯囉
之後一齊去左行花市
係第一次同屋企人行花市．．．

年三十係屋企煮團年飯．．．當然都係極之豐富啦
之後我仲自己整湯圓 + 蛋白杏仁茶　　好味道

初一
好早就起身去拜年囉　．．．　先去表妹到　　再一齊出去

初二
全家去左睇　"家有囍事２００９"
細個時　我爸爸　媽媽　過年都會帶我地去睇戲　
不過近年冇咩戲睇　加上　我都唔係香港　　所以都冇睇囉．．．
新年睇好睇　”家有囍事”　咁無無聊聊　咁笑下　都幾好

初三
將會全家去海洋公園玩

初四
表姐黎香港玩　陪佢地周圍玩下

初五
全家人一齊去迪士尼食BUFFET

初六
都係陪表姐遊香港

初７
同表妹一家飲茶

成個假期都係FamIlY Day好開心丫

以前因為出團搵個少少錢　　原來錯過左咁多　FamILy Day

突然間　好鍾意新年丫

我要日日都Family Day ^^